Trump paralajmëron Kanadanë pas vendimit për njohjen e Palestinës: Do jetë shumë e vështirë të bëjmë marrëveshje tregtare

Presidenti amerikan, Donald Trump, ka lëshuar një paralajmërim për Kanadanë pasi vendi njoftoi se po planifikonte të njihte një shtet palestinez, duke ndjekur Mbretërinë e Bashkuar dhe Francën.

Sipas Trumpit,  kjo do ta bëjë shumë të vështirë për SHBA-në që të bëjë një marrëveshje tregtare me Kanadanë.

“Uau! Kanadaja sapo ka njoftuar se po mbështet shtetësinë e Palestinës. Kjo do ta bëjë shumë të vështirë për ne që të bëjmë një marrëveshje tregtare me ta. Oh Kanada!!!”, shkruan Trump në Truth Social.

Trump e ka përdorur shpesh tregtinë si një mënyrë për të ushtruar presion mbi vendet e tjera.

Reagimi i Trumpit vjen pasi Kanadaja dhe Malta njoftuan se planifikojnë të njohin zyrtarisht shtetin e Palestinës në Asamblenë e Përgjithshme të Kombeve të Bashkuara në shtator, duke iu bashkuar Francës dhe Mbretërisë së Bashkuar, të cilat njoftuan më parë se do ta bënin këtë.