Spiropali në bordin e anijes “Mount Whitney”: Simbolizon aleancën e pathyeshme Shqipëri-SHBA

Kryetarja e Kuvendit të Shqipërisë, Elisa Spiropali ka bërë një postim nga bordi i anijes “Mount Whitney”, që është anija e parë luftarake që ankorohet në Porto Romano.

Spiropali tha se ajo simbolizon aleancën e pathyeshme Shqipëri-SHBA.

“Në bordin e “Mount Whitney”, anija e parë luftarake që ankorohet në Porto Romano, me kapitenin Colin Price që drejton ekuipazhin e marinës në këtë ndalesë e cila simbolizon aleancën e pathyeshme Shqipëri-SHBA si faktor i sigurisë dhe stabilitetit rajonal e më gjerë”, ka shkruar tutje ajo.

Anija “USS Mount Whitney” e Flotës Ushtarake Amerikane u ankorua dje në Porto Romano, ndërkohë që Ambasada e Shteteve të Bashkuara të Amerikës e konsideroi këtë “një fazë të re të modernizimit ushtarak të Shqipërisë”./Indeksonline/