“Blick” i Zvicrës: Hajdari e ka zgjedhur Kosovën

Kosovës po i shtohet edhe një yll i ri.

Mbrojtësi i Hoffenheimit, Albian Hajdari ka vendosur të lë Zvicrën për të luajtur për Kosovën.

Kështu raporton gazeta e njohur zvicerane, “Blick”, e cila bëri të ditur vendimit e kosovarit.

Ai vendosi t’u bashkohet edhe bashkëlojtarëve të tij, Fisnik Asllanit dhe Leon Avdullahut, me lojtarin që pritet të jetë në dispozicion për ndeshjet e tetorit ndaj Sllovenisë dhe Suedisë.

Hajdari kishte luajtur për të gjitha grupmoshat e Zvicrës nga U-16 deri te Kombëtarja A, ku kishte luajtur në një miqësore ndaj Luksemburgut./IndeksOnline/