Prodhuesi i famshëm po e tërheqë çokollatën nga tregu, kjo është arsyeja

Marks and Spencer po tërheq urgjentisht nga tregu çokollatën e saj me qumësht në formë hualli mjalti për shkak të frikës se mund të shkaktojë reaksione alergjike që kërcënojnë jetën.

Çokollata e kësaj marke është tërhequr nga raftet sepse mund të përmbajë kikirikë, gjë që nuk është deklaruar në etiketë.

Sipas Agjencisë së Standardeve Ushqimore (FSA), kjo do të thotë që produkti përbën një “rrezik të mundshëm shëndetësor për këdo që ka alergji ndaj kikirikut”.

Edhe gjurmë të vogla të arrave mund të shkaktojnë anafilaksi – një reaksion alergjik potencialisht kërcënues për jetën – tek një person që është shumë i ndjeshëm ndaj tyre.

Klientëve me alergji ndaj kikirikëve u kërkohet ta kthejnë produktin në dyqanin më të afërt Marks & Spencer për një rimbursim të plotë.

Tërheqja përfshin produkte me datë skadimi 12 maj 2026 dhe barkod 0917568/29143603.

Në një deklaratë, Marks & Spencer tha:

U kërkojmë ndjesë klientëve tanë për çdo shqetësim. Siguria e klientëve është me rëndësi të madhe për Marks & Spencer dhe ne i marrim shumë seriozisht të gjitha çështjet që lidhen me prodhimin e ushqimit tonë./Indeksonline/