Osmani ngushëllon familjarët e viktimave nga zjarri i madh në një shtëpi pleqsh në Tuzla
Presidentja e Kosovës Vjosa Osmani ka shprehur ngushëllime familjarëve të 12 viktimave që humbën jetën nga një zjarr në një shtëpi pleqsh në Tuzël të Bosnjë e Hercegovinës.
Në një reagim në rrjetin X, e para e vendit tonë ka thënë se populli i Kosovës është i pikëlluar nga zjarri tragjik, i cili ka marrë jetë të çmuara dhe ka lënë familjet në pikëllim të thellë.
“Në emër të popullit të Kosovës, u shpreh ngushëllimet tona më të thella familjeve të të ndjerëve dhe popullit të Bosnjës dhe Hercegovinës. Kujtimi i të humburve u sjelltë ngushëllim të dashurve të tyre dhe të plagosurit shërofshin shpejt dhe plotësisht. Republika e Kosovës është me ju!”
Dymbëdhjetë banorë të shtëpisë vdiqën në një zjarr, kryesisht nga djegiet dhe helmimi nga monoksidi i karbonit dhe 35 të tjerë u detyruan të kërkonin ndihmë mjekësore.
Gjendja e katër personave të plagosur u shpall menjëherë serioze dhe të gjithë iu nënshtruan ventilimit mekanik të sistemit të frymëmarrjes, por një pacient i tillë vdiq pavarësisht përpjekjeve të mjekëve.
Kryetari i bashkisë Zijad Lugaviq, tha gjatë ditës se do të kryhet një hetim i plotë për shkaqet e zjarrit dhe ai pret që të gjithë ata që janë përgjegjës për këtë tragjedi të mbajnë pasojat.
Kryeministri i Federatës së Bosnjës dhe Hercegovinës, Nermin Nikshiq, konfirmoi se ndërtesa ku ndodhet azili i pleqve ishte shënuar më parë si problematike nga pikëpamja e sigurisë.
The people of Kosovo are heartbroken by the tragic fire at a care home in Tuzla, which has claimed precious lives and left families in deep sorrow.
— Vjosa Osmani (@VjosaOsmaniPRKS) November 5, 2025
On behalf of the people of Kosovo, I convey our deepest condolences to the families of the deceased and to the people of Bosnia and…
