Dializa në Gjilan merr formë të re, nënshkruhet kontrata gjysmë-milionëshe

Reparti i Dializës në Spitalin e Gjilanit së shpejti do të marrë formë të re.

Kjo pasi është nënshkruar kontrata që parasheh renovimin e objektit ekzistues të dializës dhe ndërtimin e aneksit në këtë repart, shkruan IndeksOnline.

Kontrata do të zgjasë një vit, teksa është përzgjedhur ofertuesi me çmimin më të ulët për kryerjen e punimeve.

Prokurimi pranoi vetëm një tender në thirrjen e publikuar në shtator të këtij viti.

Përfituese e kontratës është kompania “Ego Elsa”, teksa vlera e kontratës është 494 mijë e 457 euro e 72 centë.

Sipas organit të prokurimit, kontrata e dhënë nuk ka mundësi të nënkontraktohet./IndeksOnline/