Ferizaj: Policia gjobit shoferin që tejkaloi dyfishin e shpejtësisë së lejuar

Policët në Ferizaj, dje rreth orës 19:40, në fshatin Prelez i Jerlive, kanë ndaluar shoferin M.S. (37 vjeç),  i cili, duke drejtuar veturën VW Golf me targa vendore.

Vozitësi ishte duke lëvizur me shpejtësi 124 km/h në zonë me kufizim 60 km/h, bën të ditur policia.

“Për këtë kundërvajtje të rëndë, ndaj shoferit është shqiptuar gjobë prej 300 euro dhe masa e ndalimit të drejtimit të automjetit në territorin e Republikës së Kosovës për 3 muaj, pasi ai posedonte patentë shofer të huaj” thuhet në njoftimin e policisë.

Me këtë rast, Policia Rajonale në Ferizaj u bën thirrje të gjithë shoferëve që të respektojnë kufizimet e shpejtësisë, pasi paraqet rrezik serioz për jetën e tyre dhe të pjesëmarrësve të tjerë në trafik.

“Policia do të intensifikojë kontrollet me radarë në të gjitha rrugët e rajonit me qëllim rritjen e sigurisë rrugore dhe fton qytetarët të raportojnë çdo shkelje në numrat:

192, 0290/326-250, 0290/322-406 ose përmes aplikacionit “Lajmëro Policinë”.

Të gjitha informacionet trajtohen me konfidencialitet të plotë” thuhet në njoftim.