13:03 / E Diele, 16 Nëntor 2025 / Gj Sh
Ronaldo me një mesazh të fuqishëm: Të gjithë bashkë sot e përgjithmonë për Portugalinë
Portugalia sot pritet të marr biletën për Kampionatin Botëror.
Kombëtarja portugeze do të jetë nikoqire e Armenisë, ndeshje e cila zhvillohet në ”Estadio do Dragao”, më fillim nga ora 15:00, shkruan IndeksOnline.
Para kësaj sfide vendimtare, kapiteni i Portugalisë, Cristiano Ronaldo ka dërguar një mesazh të fuqishëm për bashkëlojtarët.
“Shkojmë skuadra. Të gjithë bashkë sot e përgjithmonë për Portugalinë dhe flamurin tonë!”, ka shkruar Ronaldo në Instagram.
Portugalia në kualifikueset për Kupën e Botës, renditet e para në Grupin F, me 10 pikë, dy më shumë se Hungaria e cila sot përballet me Irlandën që ka të grumbulluara 7 pikë./IndeksOnline/
