Flamengo fituese e Copa Libertadores, mposht në finale një tjetër skuadër braziliane
Skuadra braziliane, Flamengo është fituese e Copa Libertadores për vitin 2025.
Në finalen e madhe, Flamengo mposhti rivalët nga i njëjti vend, Palmeiras, me rezultat 1-0, shkruan IndeksOnline.
Flamengo janë mbretërit e ri të futbollit të Amerikës së Jugut. Ky ishte trofeu i katërt i Copa Libertadorës, duke u bërë skuadra më e suksesshme braziliane.
Golin e fitores për Flamengon e shënoi ish-futbollisti i Realit, Manchester Cityt e Juventusit, Danilo.
Ai është bërë futbollisti i parë i cili fiton dy tituj të Champions League dhe dy tituj të Copa Libertadores.
Skuadrat braziliane po dominojnë në futbollin e Amerikës së Jugut, ku në nëntë sezonet e fundit, tetë prej titujve të Copa Libertadores kanë shkuar në Brazil./IndeksOnline/
O GOL DO TETRAAAAAAA! Respeita o Colossal CLUBE DE REGATAS DO FLAMENGO! pic.twitter.com/3EKBdyTwmt
— FL4MENGO (@Flamengo) November 29, 2025

