Lamine: S’dua të jem Messi dhe ai e di këtë!

Lamine Yamal është një nga lojtarët më të profilit të lartë në botë. Pavarësisht moshës së tij, ylli i Barcelonës gëzon një nivel famë dhe ndikimi që përgënjeshtron 18 vjetët e tij.

Futbolli i tij magjeps audiencën në mbarë botën, prandaj CBS News, rrjeti amerikan, e intervistoi atë për të mësuar më shumë rreth këtij fenomeni.

Ylli i Barcelonës foli për jetën e tij aktuale sportive dhe personale në një intervistë për programin “60 Minutes”.

“Unë jam një atlet që argëton dhe qëllimi im nuk është të thyej të gjitha rekordet botërore, të shënoj një milion gola ose të bëj një milion driblime. Dua të kënaqem dhe që fëmijët të duan të jenë si unë. Natyrisht, nëse shënoj shumë gola, edhe më mirë, por besoj se futbolli është më shumë se kaq”, tha Yamal.

I pyetur për krahasimin me Messin, superylli i Barcelonës dha se nuk synon kurrë të krahasohet me të.

“E respektoj për atë që ka qenë dhe çfarë është për futbollin. Nëse takohemi ndonjëherë në një fushë futbolli, do të ketë respekt të ndërsjellë. Për mua, ai është më i miri në histori. Të dy e dimë se nuk dua të jem Messi, dhe Messi e di se nuk dua të jem ai; dua të ndjek rrugën time. Nuk kam ndërmend të luaj si ai, ose të vesh numrin 10 që mbante Messi, apo diçka të tillë”, ka deklaruar Yamal./Indeksonline/