Inter dhe Al Hilal po punojnë për shkëmbimin e mbrojtësve

Inter dhe Al Hilal mbeten në negociata klub për klub për një marrëveshje të mundshme që përfshin João Cancelo.

Bisedimet po vazhdojnë dhe palët po shqyrtojnë disa opsione për të arritur një marrëveshje të përbashkët, shkruan IndeksOnline.

Sipas asaj që raporton Fabrizio Romano, në negociata është përfshirë edhe emri i Francesco Acerbit, pasi trajneri i Al Hilal, Simone Inzaghi, e dëshiron mbrojtësin italian në skuadrën e tij dhe e sheh atë si një përforcim të rëndësishëm për repartin defensiv.

Megjithatë, çështja kryesore mbetet vendimi i João Cancelos. E ardhmja e marrëveshjes do të varet nga zgjedhja e lojtarit portugez, i cili pritet të vendosë nëse do të pranojë aventurën e re në Arabinë Saudite apo do të kërkojë një alternativë tjetër për karrierën e tij./IndeksOnline/