Osmani priti në takim ambasadoren greke, diskutojnë për thellim të marrëdhënieve mes dy vendeve

Presidentja e Republikës së Kosovës, Vjosa Osmani, ka pritur sot në takim Shefen e Zyrës Ndërlidhëse të Greqisë Heleni Vakali, me të cilën diskutoi  për zhvillimet e fundit politike dhe institucionale në Kosovë.

“Gjatë takimit u diskutua për marrëdhëniet ndërmjet Kosovës dhe Greqisë, bashkëpunimin rajonal si dhe perspektivën evropiane të Kosovës”, thuhet në njoftimin e Presidencës.

Presidentja Osmani theksoi rëndësinë e thellimit të mëtejmë të bashkëpunimit me Greqinë në fusha të ndryshme të interesit të dyanshëm. /IndeksOnline/