Në ditën e pavarësisë, ekipet e emergjencës në krye të detyrës (Video)

Përveç qytetarëve që kanë mbushur sheshet kryesore të Prishtinës për 10 vjetorin e pavarësisë së Kosovës, në krye të detyrës qëndrojnë edhe ekipet e emergjencës në rast se paraqitet ndonjë nevojë për ndihëm e parë.

Ky ekip prej katër personave të urgjencës janë të pozicionuar në sheshin “Zahir Pajaziti”.

“Përshëndetje unë jam doktoresha Valbona Blaku, prej qendrës së mjekësisë urgjente të Prishtinës. Sot për festën në ditën e pavarësisë jemi këtu në kujdestari gjatë ditës. Shfrytëzoj rastin të uroj gjithë shqiptarëve në Kosovë dhe ane e mbanë botës 10 vjetorin e pavarësisë”, tha Blaku për Indeksonline.