Largohet deponia e mbeturinave, në qendër të Mitrovicës

Kryetari i Mitrovicës së Jugut, Faton Peci, ka njoftuar se është larguar deponia ilegale e mbeturinave, që ndodhej pranë çerdhes publike.

“Kjo deponi mbeturinash, për vite me radhë, ishte shqetësim i madh për qytetarët. Kundërmimi, rreziku nga sëmundje të ndryshme dhe qentë endacakë, që e kishin si “shtëpi” të tyre, nga sot nuk kanë më vend aty” ka thënë Peci.

Ai u shpreh se do të vazhdojë përmbushjen e zotimit për Mitrovicë të pastër.

Ky është njoftimi i plotë i tij:

Te dashur qytetarë,

U bë largimi i deponisë ilegale të mbeturinave pranë çerdhes publike të fëmijëve, në zemër të qytetit.

Kjo deponi mbeturinash, për vite me radhë, ishte shqetësim i madh për qytetarët. Kundërmimi, rreziku nga sëmundje të ndryshme dhe qentë endacakë, që e kishin si “shtëpi” të tyre, nga sot nuk kanë më vend aty.

Vazhdojmë përmbushjen e zotimit për Mitrovicën e pastër, të sigurt, të gjelbër dhe funksionale.