Feronikeli ’74 fiton në minutat e fundit ndaj Dinamos dhe kalon në çerekfinale të Kupës së Kosovës

Feronikeli ’74 ka kompletuar skuadrat çerekfinaliste të Kupës së Kosovës.

Skuadra nga Drenasi në ndeshjen e fundit të 1/8 së finales, shënoi fitore ndaj Dinamos së Ferizajit, me rezultat 2-1, shkruan IndeksOnline.

Almedin Klinaku i dha epërsinë skuadrës së Dianmos në minutën e 15-të, derisa Muhamed Llapashtica barazoi shifrat në minutën e 42-të.

Golin e fitores Feronikelit ’74 ia siguroi Kreshnik Bahtiri, me një supergol në minutën e 87-të.

Dukagjini, Ballkani, Ferizaji, Llapi, Gjilani, Malisheva, Vushtrria dhe Feronikeli ’74 tashmë janë skuadrat e kualifikuar në çerekfinale.

Shorti për çerekfinalet e Kupës së Kosovës do të hidhet me datë 20 shkurt, nga ora 13:00./IndeksOnline/

Golat e ndeshjes mund ti shikoni më poshtë:

Feronikeli ’74 0-1 Dinamo Ferizaj.

Feronikeli ’74 1-1 Dinamo Ferizaj.

Feronikeli ’74 2-1 Dinamo Ferizaj.