Hamilton gati për sezonin e ri: Jemi shumë më të përgatitur

Në fundjavë nis sezoni i ri i Formula1.

Gara e parë do të mbahet në Melbourne të Australisë, shkruan IndeksOnline.

Ish-kampioni i botës, tashmë pjesë e ekipit të Ferrarit, Lewis Hamilton ka deklaruar se është i përgatitur për sezonin e ri.

“Jam shumë më i lumtur, më i sinkronizuar me ekipin. Ndihem shumë mirë që vij këtu. Shumë njerëz kalojnë nëpër periudha dyshimi në jetën e tyre dhe është e rëndësishme të rikuperohen dhe të kthehen me një mendësi shumë më pozitive. Sezoni jashtë sezonit shkoi shumë mirë, u stërvita mirë dhe puna me ekipin ka qenë e jashtëzakonshme. Gjithçka është shumë më e qetë në mënyrën se si punojmë dhe bashkëveprojmë.

Është shumë ndryshe nga sezoni i kaluar. Vitin e kaluar, ndryshimi më i madh ishte mënyra se si funksiononte ekipi krahasuar me atë që kisha përjetuar me ekipet e mia të mëparshme. Kështu që na u desh të njiheshim me njëri-tjetrin për të nisur këtë udhëtim së bashku. Dhe me të vërtetë filluam ta bënim këtë drejt fundit të sezonit. Pra, tani jemi shumë më të përgatitur.

Qëllimi është të fitojmë. Po punojmë drejt kësaj dhe shpresojmë të jemi ndër kryesuesit që nga garat e para. Çfarëdo që të ndodhë, ndiej se kam një ekip me vete që është i vendosur të performojë mirë dhe të maksimizojë gjithçka çdo fundjavë.”, ka deklaruar Hamilton./IndeksOnline/