Mandati i Macronit drejt fundit, Franca cakton datat e zgjedhjeve presidenciale

Franceezët do të shkojnë te kutitë e votimit për të zgjedhur presidentin e saj të ardhshëm, më 18 prill dhe 2 maj 2027, tha një burim ekzekutiv, duke konfirmuar raportet e mediave lokale.

Partia antiemigracion, Tubimi Kombëtar e Marine Le Pen,  i sheh zgjedhjet e vitit të ardhshëm si mundësinë e saj më të fortë deri tani për të marrë pushtetin, raporton euronews.

Sondazhet kanë sugjeruar vazhdimisht se e djathta ekstreme mund të kryesojë në raundin e parë të votimeve të vitit 2027, por ende nuk është e qartë se kush do të jetë kandidati i saj.

Le Pen shpreson të kandidojë për presidente për herë të katërt vitin e ardhshëm, pasi doli e treta në vitin 2012 dhe më pas arriti dy herë në balotazh kundër presidentit Emmanuel Macron, i cili mori mandatin e tij të dytë dhe të fundit.

Ajo do të jetë kandidatja e partisë së saj euroskeptike nëse një gjykatë apeli, më 7 korrik nuk e ndalon atë nga detyra për shkak të një mashtrimi të dyshuar me vende pune të rreme në Parlamentin Europian.

Sipas kushtetutës, votimi duhet të mbahet midis 20 dhe 35 ditëve para përfundimit të mandatit pesëvjeçar të Macronit.