Zyrtare: Rakitic largohet nga Hajduk Spliti
Hajduk Split ka bërë të ditur se Ivan Rakitic nuk është më drejtor teknik i klubit, pasi kontrata e tij përfundoi më 30 qershor 2026.
Në një komunikatë zyrtare, Hajduku thekson se mandati i ish-mesfushorit përfundoi me skadimin e kontratës, duke i dhënë fund një periudhe gjatë së cilës ai kontribuoi fillimisht si futbollist dhe më pas si drejtues i sektorit sportiv, shkruan Indeksonline
Klubi rikujtoi se Rakitic iu bashkua Hajdukut në fund të karrierës së tij si lojtar, duke realizuar dëshirën e kahershme për të veshur fanellën e bardhë dhe për të luajtur para tifozëve të klubit.
Pas tërheqjes nga futbolli aktiv, Rakitic mori detyrën e drejtorit teknik, ku punoi për zhvillimin e sektorit sportiv dhe vendosjen e bazave për progresin afatgjatë të ekipit të parë.
Hajduk vlerësoi se, falë njohurive, kontakteve ndërkombëtare dhe vizionit të tij profesional, Rakitić dha një kontribut të rëndësishëm në funksionimin e klubit./Indeksonline./
