Fitore e lehtë nga Barcelona, shënojnë Dembele dhe Messi

Ousmane Dembele dhe Lionel Messi i dhanë Barcelonës suksesin e radhës në La Liga kundër Celta Vigos, me “blaugranat” që rivendosën shumë shpejt diferencën prej 3 pikës me Atleticon e Madridit, që i ndjek nga pas.

Në “Camp Nou” ndeshja përfundoi me rezultatin 2-0, me të dy golat të shënuar në fraksionin e parë.

Valverde preferoi ta aktivizonte titullar sulmuesin francez, Dembele, i shumëkritikuar në javët e fundit për sjelljen jashtë fushë. 20-vjeçari e shpërbleu besimin me gol në minutën e 10-të, i gjendur në kohën dhe vendin e duhur.

| GOAL! |

Ousmane Dembele's goal has Barcelona ahead against Celta Vigo! That's four goals in his last six #LaLiga appearances… ? pic.twitter.com/3Gn47pFoOp

— Eleven Sports (@ElevenSports_UK) December 22, 2018

Në fund të pjesës së parë Barcelona realizoi të dytin me Lionel Messin, që s’mund t’i mungonte listës së golashënuesve, duke i ngjitur në kuotën e 15 finalizimeve në La Liga, aty ku si rival për trofeun e “Pichichit” mund të ketë shokun e tij të skuadrës, Luiz Suarez.

Goal Messi 2-0 pic.twitter.com/aX7UBr80U5

— • Jordy (@J__bkr) December 22, 2018

Në pjesën e dytë, pavarësisht rasteve që iu dhanë, Barcelona u mjaftua me administrimin e lojës dhe të rezultatit.