Kjo rrugë në ‘Breg të Diellit’ qe një javë pa ndriçim, banorët ndihen të frikësuar natën

Kryetari i Prishtinës, Shpend Ahmeti me të marr mandatin u angazhua që secila lagje dhe rrugë në kryeqytet të bëhet me ndriçim publik.

Kjo edhe ndodhi, pasi shumica e rrugëve tani janë të ndriçuara, shkruan Indeksonline.

Por, tani është shfaqur një problem në një lagje të Prishtinës, më sakë në ‘Breg të Diellit’.

Banorët e rrugës C të kësaj lagje, qe një javë janë përballur me errësirë gjatë natës, kjo pasi që dritat nuk punojnë.

Ata thonë që nga e diela, ndriçimi nuk punon dhe se askush nuk është interesuar për këtë çështje.

Madje, sipas banorëve, mbrëmë si pasojë e errësirës, një person për pak sa nuk është goditur nga vetura që po qarkullonte.  /Indeksonline/