Limaj uron qytetarët për ndërrimin e moteve

Kryetari i Nismës Socialdemokrate, Fatmir Limaj, njëherësh zv/kryeministër në qeverinë e Kosovës, i ka uruar qytetarët e Kosovës më rastin e ndërrimit të moteve.

Limaj në mënyre të veçante ka uruar të gjithë ata që ndërrimin e moteve do ta presin në vendin e punës.

“Uroj që vitin e ardhshëm të realizojmë ëndrrën tonë të përbashkët si shtet e si komb për më shumë prosperitet, zhvillim ekonomik dhe mirëqenie në familjet tona”, thuhet ndër të tjera në urimin e Limajt.

Mesazhi i plotë i Limajt:

Në emër të Nismës Socialdemokrate dhe në emrin tim personal, të gjithë qytetarëve të Republikës së Kosovës, mërgimtarëve kudo në botë, ua uroj ndërrimin e moteve. Uroj që Viti i Ri të na sjellë më shumë suksese, shëndet dhe mbarësi në secilën familje.

Uroj që vitin e ardhshëm ta realizojmë ëndrrën tonë të përbashkët si shtet e si komb për më shumë prosperitet, zhvillim ekonomik dhe mirëqenie në familjet tona. Urime të veçanta të gjithë atyre që sonte do të jenë në vendet e tyre të punës. Gëzuar 2019! Qoftë vit i mbarë për Kosovën!