Pas dy orëve arrijnë të dalin minatorët e bllokuar

(I plotësuar) – Pas dy orëve minatorët e ngujuar të Trepçës kanë arritur të dalin jashtë, kjo pas intervenimit që është bërë.

…

Është arritur të lëshohet rryma përkohësisht në Minierën e Trepçës dhe kështu pritet që së shpejti të nxirren edhe minatorët e ngujuar.

Këtë e ka konfirmuar për Indeksonline drejtori i Trepçës, Xhevdet Tahiri, i cili  thotë se në koordinim me KEDS kanë arritur të lëshojnë energjinë elektrike vetëm derisa të nxirren minatorët.

Sipas tij, rryma sapo është lëshuar dhe besojnë se brenda 30 minutave të nxirren gjithë minatorët që kanë mbetur brenda.

“Në koordinim me KEDS arritëm të lëshojmë energjinë elektrike përkohësisht. Kështu tash pritet të fillojë procesi i nxjerrës së minatorëve nga miniera. Shpresojmë që brenda 30 minutave të nxjerrim gjithë minatorët që janë brenda”, ka thënë Tahiri për Indeksonline./Indeksonline/