Taksa i mbledhë sërish liderët e shtetit

Liderët e vendit aktualisht janë duke mbajtur takimin e radhës në ndërtesën e Kuvendit të Kosovës.

Kështu bëjnë të ditur burime të Indeksonline, sipas të cilave, temë e takimit janë dialogu dhe taksa 100% ndaj mallrave serbe.

Në takim po marrin pjesë presidenti i Kosovës, Hashim Thaçi, si dhe partnerët e koalicionit, Ramush Haradinaj i AAK-së, Kadri Veseli i PDK-së, Fatmir Limaj i Nismës Socialdemokrate dhe Behgjet Pacolli i AKR-së.

Kujtojmë se kohëve të fundit janë shpeshtuar takimet mes liderëve të vendit, pas zhvillimeve që po ndodhin.

Derisa, Shtetet e Bashkuara të Amerikës para disa ditësh u kanë dërguar një letër atyre, përmes së cilës kanë shprehur shumë pakënaqësi. /Indeksonline/