Një vdekje e dyshimtë në Prishtinë, policia jep detaje

Një vdekje e dyshimtë është hapur si rast sot në stacionin policor ‘Veriu’ në Prishtinë.

Kjo gjë është bërë e ditur nga Zyra për Informim e Policisë së Kosovës për rajonin e Prishtinës.

Sipas një njoftimi për media është theksuar se rreth orës 16:00, është hapur një rast vdekje e dyshimtë dhe se viktima e këtij rasti është një mashkull, Y.Z, 43 vjeçar.

I njëjti është gjetur pa shenja jete në shtëpinë e tij në rrugën ‘Avdyl Ramaj’, transmeton Indeksonline.

“Vdekjen e tij e ka konstatuar ekipi mjekësor në vendin e ngjarjes. Trupi i pajete është dërguar për obduksion. Hetuesit policor në koordinim me prokurorinë përkatëse janë duke punuar për sqarimin e rrethanave të këtij rasti”, thuhet nga Policia e Kosovës./Indeksonline/