Femra nga Lipjani gjuan me armë, videon e poston edhe në rrjetet sociale

Një femër nga Lipjani është arrestuar nga Policia e Kosovës pasi që e njëjta kishte shtënë me armë zjarri dhe më pas kishte postuar videon në rrjetet sociale.

Sipas policisë, përmes rrugëve operative është identifikuar e dyshuara femër Kosovare/Shqiptare, e cila kishte postuar në rrjete sociale një video ku vërehej se kishte shtënë me armë zjarri.

“Arma e zjarrit-revole e llojit Zoraki, një karikator dhe tre fishekë, vullnetarisht është dorëzuar dhe është konfiskuar tek një familjare e të dyshuarës”, thuhet në njoftimin e policisë.

E dyshuara pas intervistimit me vendimin e prokurorit është liruar në procedurë të rregullt./Indeksonline/