Houston marshon me Harden, Toronto synon kreun në Lindje
Sfidë e fortë për kreun në Konferencën e Perëndimit, ku 3 ekipe ndahen nga një fitore mes tyre.
Houston mundi 135-103 Clippers jashtë fushe, duke kërkuar kreun. Një ndeshje e dominuar nga ekipi teksan, me të zakonshim Harden që ishte shënuesi më i mirë, autor i 31 pikëve. Ai u mbështet edhe nga Paul me 29 pikë e Capela me 24 pikë e 15 rebound.
Edhe Denver synon kreun në Perëndim, pas fitores 113-85 ndaj San Antonio, me Jokic që realizoi 20 pikë, ndërsa Morris e Beasly nga 19 secili.
Në Lindje, skuadra e Torontos mundi 115-105 Brooklyn, ndeshje ku kanadezët kishin një epërsi të lehtë gjatë gjithë kohës dhe e merituan fitoren.
Fiton edhe ekipi i Boston, që mundi 112-102 Miami, sfidë ku basketbollistët e Celtics vuajtën shumë për të triumfuar. Më i miri në fushë ishte Hayward me 25 pikë.
Fitore në sekondat e fundit për Chicago, që mposhti 115-114 Washington, me 7 lojtarë të Bulls që realizuan mbi 10 pikë.
NBA – Rezultatet e sotme
Detroit – Indiana, 89-108
Orlando – New York, 114-100
Washington – Chicago, 114-115
Atlanta – Philadelphia, 130-122
Brooklyn – Toronto, 105-115
Miami – Boston, 102-112
New Orleans – Charlotte, 109-115
Dallas – Minnesota, 108-110
Denver – San Antonio, 113-85
Phoenix – Utah Jazz, 97-118
Portland – Memphis, 116-89
Clippers – Houston, 103-135
