75 Mall Live Search
18:01 / E Mërkurë, 08 Maj 2019 / indeksADMonline

Theresa May: Duhet të bashkohemi si Liverpooli për një rikthim në Europë

Theresa May e ka krahasuar veten me klubin futbollistik Liverpool duke parashikuar se ajo mund të bëjë një rikthim të fortë të Brexit në Europë.

Këtë deklaratë ajo e bëri kur iu kundërpërgjigj ndaj këshillës së liderit të opozitës, Jeremy Corbyn, që ajo të marrë mësim nga Liverpooli se si të arrijë sukses në Evropë.

Ky klub e mposhti Barcelonën me rezultat 4 me 0, ndonëse në ndeshjen e parë kishte pësuar humbje me rezultat 3 me 0, shkruan The Guardian.

“Duke parë performancën e mahnitshme të Liverpoolit, ndoshta kryeministrja mund të marrë disa këshilla nga Jürgen Klopp se si të fitojë një rezultat të mirë në Evropë”, kishte thënë Corbyn.

E ardhmja e May është duke lëkundur në pasi deputetët konservatorë po e shtyjnë atë për të përcaktuar një afat kohor për nisjen e saj si kryeministre, pavarësisht nëse ka siguruar një marrëveshje tërheqjeje.

“Unë në fakt mendoj se kur shohim fitoren e Liverpoolit kundër Barcelonës ajo që mësojmë është se kur të gjithë thonë se ka mbaruar dhe kur kundërshtari evropian të ka mposhtur, se koha po harxhohet dhe se duhet të pranohet humbja, në fakt ne ende mund të arrijmë sukses nëse të gjithë bashkohen”.