Thaçi reagon edhe për ftesën e Speciales për Krasniqin: Si në luftë, sërish do të dalim fitimtarë!
Presidenti i Republikës së Kosovës përmes një shkrimi të publikuar në faqen e tij zyrtare Facebook ka komentuar ftesën nga Gjykata Speciale që iu bë ish-krye kuvendarit Jakup Krasniqi.
Thaçi shkruan se asnjë gjykatë, as vendore e as ndërkombëtare s’mund ta njollosë luftën e pastër të UÇK-së, përcjellë Indeksonline.
Tutje presidenti i vendit ka shkruar se si president i vendit, si bashkëluftëtar, e çmoj shumë gatishmërinë e të gjithëve që të bashkëpunojnë me drejtësinë
Ky është postimi i tij i plotë:
Lufta e Ushtrisë Çlirimtare të Kosovës ka qenë dhe do të mbetet përjetësisht e pastër dhe e drejtë. Asnjë gjykatë, as vendore, as ndërkombëtare, nuk mund ta njollos atë. Me Jakup Krasniqin, me anëtarët e tjerë të Shtabit të Përgjithshëm, komandantët e zonave dhe ushtarët që janë ftuar nga Gjykata Speciale, ne e kemi mbrojtur popullin dhe e kemi luftuar armikun deri në çlirimin e vendit tonë. Si president i vendit, si bashkëluftëtar, e çmoj shumë gatishmërinë e të gjithëve që të bashkëpunojnë me drejtësinë. Duke bashkëpunuar me drejtësinë ndihmojmë që të ngadhënjejë e vërteta për luftën tonë çlirimtare. Jam i bindur që, njëjtë sikurse në të kaluarën, sërish do të dalim fitimtarë. Pastërtia e luftës sonë do të dëshmohet përballë çdo gjykate! HTH