Një kandidate për deputete kishte marrë vetëm 2 vota, në zgjedhjet e 2017-s!

Komisioni Qendror i Zgjedhjeve (KQZ) ka njoftuar se numri i qytetarëve me të drejtë vote në zgjedhjet e parakohshme parlamentare të 6 tetorit është 1.972.466. Ata mund të përcaktojnë se kush do të jenë deputetët e ardhshëm të Kuvendit të Kosovës.

E në garë për ta fituar një vend në Kuvendin e Kosovës janë hiq më pak se 1 070 kandidatë. Që të gjithë kanë ambicie se do të fitojnë, mirëpo shumica prej tyre do të zhgënjehen pas numërimit të votave, raporton Indeksonline.

Në zgjedhjet e kaluara nacionale të mbajtura më 2017 ka pasur kandidatë që kanë arritur të merrnin vetëm dy vota.

Një fat të tillë e ka pasur Shpresona Morina, e cila kishte kandiduar për deputete nga Partia Demokratike e Unitetit. Ndërsa me nga tri, katër e pesë vota kanë marrë dhjetëra kandidatë të tjerë.

Se kujt do ti buzëqeshë fytyra e kush do të zhgënjehet, mbetet të shihet më 6 tetor./Indeksonline/