Tri të metat e Barcelonës ndaj Dortmundit
Barcelona mori një pikë në Signal Iduna Park në Dortmund, gjithmonë një fushë e vështirë, në Evropë.
Ekipi gjerman ishte kërkues dhe iu afrua më shumë golit sesa spanjollët, madje duke e shpërdoruar edhe një penallti.
Mundo Deportivo ka spikatur tri të meta kryesore të blaugranëve në ndeshjen e mbrëmshme.
- Mungesa e golit
Valverde zgjodhi një sulm të formuar nga Suárezi , Griezmanni dhe Ansu . Uruguaiani mbeti pa gola si mysafir në Ligën e Kampionëve dhe këtë nuk e ka bërë për më shumë se katër vjet, ndërsa Griezmanni u desh të sakrifikonte veten në mbrojtje për të mbuluar Ashraf. Dhe nuk mund të fajësoni një fëmijë 16-vjeçar në debutimin e tij. Fati nisi keq, por u përmirësua me kalimin e kohës
- Vija e fundit
Linja mbrojtëse e Barcelonës mbeti prapa, shumë larg. Dortmundi bëri vazhdimisht presion për të fituar fushë. Ai i cili meriton meritat më të mëdha që Barcelona nuk pësoi është pa dyshim Marc Andeter Stegeni, i cil përveç penalltisë, priti edhe shumë goditje të tjera të Dortmundit.
- Fragiliteti në të majtë
Lëndimi i Jordi Albasit kushtëzoi lojën. Në atë anë erdhën ndërhyrjet më të mira të gjermanëve si në gjysmën e parë ashtu edhe në të dytën.
Sancho dhe Achraf Hakimi, duke hyrë nga rreshti i dytë, krijuan probleme për Barcelonan që në fillim. Griezmanni filloi të sakrifikojë veten në atë anë për të provuar të mbulojë hapësirat.
Kur Messi hyri, me Antoinen përsëri në të djathtë, skuadra u përmirësua sepse Arthur dhe De Jong, gjithashtu u përpoqën t’i jepnin atij qëndrueshmëri duke e mbajtur topin pak më shumë. Por rreziku gjerman vazhdoi të vinte nga ajo anë./Indeksonline/
