Mustafa: Viktimat e Reçakut, vulë e çlirimit dhe shtetformimit të Kosovës

Kryetari i LDK-së, Isa Mustafa ka rikujtuar të rënët e Masakrës së Reçakut, shkruan IndeksOnline.

Ai ka thënë se Masakra e Reçakut, është një nga krimet më të tmerrshme të regjimit serb mbi popullatën civile shqiptare.

Mustafa shtoi se iktimat e Reçakut, janë vulë e çlirimit dhe shtetformimit të Kosovës

“Sot, bëhen 21 vjet nga momenti kur ndodhi Masakra e Reçakut, një nga krimet më të tmerrshme të regjimit serb mbi popullatën civile shqiptare. Aktin makabër të regjimit të Millosheviqit e pa nga afër i tmerruar edhe ambasadori i OSBE-së, William Walker.

Masakra e Reçakut, zgjoi ndërgjegjen e fjetur ndërkombëtare ndaj padrejtësive dhe krimeve shekullore të Serbisë mbi popullin e Kosovës.

Viktimat e Reçakut, janë vulë e çlirimit dhe shtetformimit të Kosovës, ata janë në piedestalin e historisë më të re, ndaj përulemi para veprës së tyre.

Pa sakrificën e tyre, liria nuk imagjinohej dot.

Lavdi jetës dhe veprës të rënëve në Masakrën e Reçakut!”, tha ai./IndeksOnline/