Lista Serbe akuzon Sveçlën: S’po merresh me sulmet ndaj serbëve, po preferon Jabllanoviqin!

Lista Serbe është ankuar se institucionet e Republikës së Kosovës s’po bëjnë asgjë në zbardhjen e rasteve të sulmeve etnike ndaj serbëve dhe pronave të tyre në Kosovë.

Në veçanti, partia e Goran Rakqiti ka akuzuar u.d. e Ministrisë së Punëve të Brendshme, Xhelal Sveçla, se nuk po bën asgjë në këtë drejtim, transmeton Indeksonline

“Ushtruesi i detyrës së Ministrit të Policisë në Prishtinës, Xhelal Sveçla, në vend të punës së tij, duket se preferon të jetë në vendkalimet administrative në veri dhe të lëshojë leje të veçanta të lëvizjes për Aleksandar Jablanoviç, por asnjëherë nuk është shqetësuar të identifikojë autorët dhe të paktën të dënojë sulmet ndaj serbëve ose të vizitoni njësitë vendore të policisë dhe t’u kërkoj atyre t’u sigurojë paqe dhe siguri”, thuhet në reagim.

Sipas tyre, një seri sulmesh të motivuara etnikisht kanë ndodhur ditëve të fundit ndaj serbëve dhe pronave të tyre.

“Këto veprime e kanë mërzitur popullin tonë në Kosovë dhe Metohi, veçanërisht për shkak të pasivitetit të policisë së Kosovës, e cila as nuk i parandalon këto sulme dhe nuk kërkon të zbulojë autorët.

Lista Serbe dënon me forcë këto mizori, si dhe mungesën e një minimumi të përgjegjësisë midis liderëve shqiptarë dhe një pjese të mirë të bashkësisë ndërkombëtare, ose ambasadave të tyre, për të ngritur zërin e tyre dhe për të dënuar këto sulme. Fatkeqësisht, ne jemi gjithashtu të shqetësuar për heshtjen e organizatave joqeveritare serbe dhe shqiptare, të cilat duhet të mbrojnë dhe luftojnë për të drejtat e të gjithë qytetarëve”, thuhet në fund të reagimit. /Indeksonline/