A do të largohet Tovërlani nga Nikli, tregon vet ai
Trajneri i njohur, Afrim Tovërlani, ka mohuar zërat se është afër arritjes së marrëveshjes me klubin e Arbërisë.
Sot gjatë ditës u raportua se Afrim Tovërlani është afër marrëveshjes me Arbërinë, skuadër e cila nga sezoni i ardhshëm do jetë pjesë e Superligës.
Gjithashtu u tha se palët kanë arritur marrëveshje për 90%, por kjo është mohuar nga Afrim Tovërlani, i cili tha se është i fokusuar vetëm te Feronikeli.
“Jo nuk ka asgjë rreth kësaj. Jam i fokusuar vetëm te Feronikeli. I kemi ndeshjet me rendësi dhe krejt çka më intereson në këto momente është Nikli” – ka thënë ‘Toki’ për Metro.
Kujtojmë që Feronikeli renditet në pozitën e pestë me 34 pikë në Superligë, teksa është në garë edhe për Kupën e Kosovës.
Kampioni në fuqi në gjysmëfinale do të takohet me Ballkanin. Ndeshja e parë zhvillohet të mërkuren nga ora 16:00 në Suharekë.