A është tharja e gojës një shenjë e shtatzënisë?

Gojë e thatë është një simptomë shumë e zakonshme e shtatzënisë. Kjo është pjesërisht sepse keni nevojë për ujë shumë më tepër kur jeni shtatzënë, pasi ndihmon zhvillimin e fëmijës tuaj.

Por një arsye tjetër është se hormonet që ndryshojnë mund të kenë një ndikim në shëndetin tuaj oral. Përveç gojës së thatë, mund të përjetoni gingivitis dhe dhëmbë “të lirshëm” gjatë shtatzënisë thotë healthline.

Artikuj tjerë

Disa nga kushtet gjatë shtatzënisë, siç është diabeti gestacional, mund të shkaktojnë gojë të thatë.

Ka shumë shkaqe të mundshme për gojën e thatë gjatë shtatzënisë. Disa nga shkaqet më të zakonshme përfshijnë:

Dehidrimi

Dehidrimi ndodh kur trupi juaj humb sasi të ujit më shumë se sa merr. Mund të jetë veçanërisht e rrezikshme për gratë shtatzëna.

Në raste të rënda, dehidrimi gjatë shtatzënisë mund të çojë në defekte të lindjes ose në lindje të parakohshme.

Shenjat e tjera të dehidrimit përfshijnë: Ndjenja e mbinxehtësisë, urinë me ngjyrë verdhë në të errët, etje ekstreme, lodhje, marramendje dhe dhimbje koke.

Diabeti gestacional

Diabeti gestacional ndodh vetëm gjatë shtatzënisë dhe mund të shkaktojë që ju të keni sheqer të lartë të gjakut. Shpesh largohet pasi të lindni.

Ju duhet më shumë insulinë se zakonisht gjatë shtatzënisë.

Shumë gra me diabet gestacional nuk kanë simptoma, ose vetëm simptoma të vogla. Nëse keni simptoma, përveç gojës së thatë, ato mund të përfshijnë: Etje e tepruar, lodhje, urinim i shpeshtë etj.

Problemet e gjumit

Shtatzënia mund të shkaktojë shumë probleme të gjumit, duke mos qenë në gjendje të fleni shpejt, dhe të zgjoheni shpesh gjatë gjithë natës. Gjithashtu mund të çojë në probleme të frymëmarrjes, duke përfshirë gërhatjen dhe apnea e gjumit.

Gërhatja është veçanërisht e zakonshme gjatë tremujorit të dytë dhe të tretë të shtatzanisë. Është më e zakonshme nëse jeni mbipeshë, pini duhan, jeni privuar nga gjumi ose keni kushte si bajamet të zgjeruara.

Hormonet tuaja ndryshuese gjithashtu mund të shkaktojnë ngushtimin e fytit tuaj dhe të hundës, gjë që mund të çojë në probleme të frymëmarrjes.

Gërhatja dhe apnea e gjumit mund t’ju bëjë  që të realizoni një frymëmarrje me gojën të hapur gjatë kohës që fle. Kjo e bën më të vështirë prodhimin e pështymës dhe teksa e absorbon goja.

Përtej ndjenjës së thatësisë, simptomat e mundshme të gojës së thatë përfshijnë: Dhimbje të vazhdueshme të fytit, probleme të gëlltitjes, thatësi brenda hundës suaj, ndjenja e djegies në fyt ose në gojë, probleme të folurit, të ngjirurit e zërit, ndryshim në kuptimin e shijes, prishjen e dhëmbëve.