AAK: Dorëheqja e Haradinajt është akt i një Kryeministri të përgjegjshëm
Partia Aleanca për Ardhmërinë e Kosovës, ka thënë se dorëheqja e Kryeministrit të Kosovës, Ramush Haradinaj, si pasojë e ftesës krejtësisht të palogjikshme dhe të padrejtë nga Gjykata Speciale, ishte akti i vetëm i një Kryeministri të përgjegjshëm.
Kjo parti ka vlerësuar se deklarata e vetë Kryeministrit, se nuk mund të lejojë të paraqitet përpara kësaj Gjykate si Kryeministër i shtetit të Kosovës, e bënë këtë akt të tij, vendim të pashembullt të një lideri, që interesin e vendit e ka mbi gjithçka.
Më poshtë mund ta lexoni reagimin e plotë të AAK-së në Facebook.
Vlerësojmë se dorëheqja e Kryeministrit të Kosovës, Ramush Haradinaj, si pasojë e ftesës krejtësisht të palogjikshme dhe të padrejtë nga Gjykata Speciale, ishte akti i vetëm i një Kryeministri të përgjegjeshëm.
Deklarata e vetë Kryeministrit, se nuk mund të lejojë të paraqitet përpara kësaj Gjykate si Kryeministër i shtetit të Kosovës, e bënë këtë akt të tij, vendim të pashembullt të një lideri, që interesin e vendit e ka mbi gjithçka!
Kryetari Haradinaj dhe AAK-ja si parti, edhe pse për këto 20 vjet, jane sfiduar nga situata prej më të vështirave, do të vazhdojnë që të mbrojnë lirinë, sovranitetin dhe interesat e popullit dhe të shtetit të Kosovës me çdo çmim.
Vlerat e krijuara dhe shteti i shpallur në kufijtë ekzistues më 2008, për ne do të jenë përherë të shenjta.
Ramush Haradinaj dhe AAK-ja, do të dalin fitues edhe në këtë betejë dhe do të rikthehen më fuqishëm se kurrë në mbrojtje të interesave të shtetit të Kosovës!
AAK