Aida Dërguti bojkoton mbledhjen e Kryesisë së VV-së
Anëtarët e Kryesisë së Lëvizjes Vetëvendosje janë mbledhur në selinë e partisë ku janë duke e zhvilluar një mbledhje të jashtëzakonshme pas zhvillimeve të fundit.
Por pjesë e kësaj mbledhje nuk është edhe “protagonistja” e thirrjes së mbledhjes së VV-së, Aida Dërguti, transmeton Indeksonline.
Kjo e fundit në një status të publikuar në llogarinë e saj në facebook para pak çasteve ka njoftuar se ka dhënë dorëheqje nga detyra e Kryetares së Qendrës së Lëvizjes Vetëvendosje! në Vushtrri dhe nga anëtarja e Kryesisë së Lëvizjes.
“Unë e di që shprehja ime ka nxitur reagime e shqetësime për natyrën e problemeve në Lëvizje. Por, shprehja ime (e papranueshme gjithsesi) duhet vënë përballë një fushate sistematike të shpifjeve, linçimeve e etiketimeve që ka ndodhur tash 1 vit”, ka thënë Dërguti./Indeksonline/