Aksidenti “horror” i pilotit të Formula 1 (Pamje të rënda)
Një moment “shoku” ka ndodhë dje gjatë provave para Çmimit të Madh të Italisë.
Marcus Ericsson u përplas me anësoret e pistës së “Monza” derisa po i jepte makinës së tij me reth 350 km/h.
Çuditërisht, shoferi 27-vjeçar i Sauber u largua i padëmtuar nga goditja “horror”, shkruan indeksonline.
Ericsson humbi kontrollin në pjesën më të shpejtë të pistës së Monzës kur krahu i tij i pasmë i DRS mbeti i hapur.
Përplasja ishte shumë e rrezikshme pasi vetura e tij u rrotullua disa herë përpara të shkatërrohet pothuajse tërësisht.
Por sistemi i mbrojtjes së kulmit të kabinës “Halo” mori peshën e forcës duke shpëtuar “kokën” e pilotit.
Aksidenti është pesë ditë pasi shoku nga skuadra, Leclerc u shpëtua edhe ai nga Halo kur McLaren i Fernando Alonso iu përplas mbi në GP të Belgjikës.
Ericsson u dërgua në zonën mjekësore për kontrolle dhe së shpejti iu dha e qartë se nuk kishte pësuar ndonjë lëndim. /IndeksOnline/