Aksidentohet autobusi me udhëtarë në Dydesh të Pejës, dhjetëra të lënduar

Një autobus i cili ishte duke bartur udhëtarë ka pësuar sot aksident në vendin e quajtur “Dydesh”, të Komunës së Pejës.

Zëdhënësi i Policisë së Kosovës për rajonin e Pejës, Xhevat Ibra ka konfirmuar për “Indeksonline” këtë rast.

Ai ka thënë se tani mund të japim informacione se gjatë këtij aksidenti kanë pësuar lëndime trupore dhjetëra persona.

Sipas tij, të njëjtit janë dërguar në Spitalin rajonal të Pejës për trajtim mjekësorë.  Ibra ka bërë të ditur se të lënduarit janë jashtë rrezikut për jetë.

Zëdhënësi i PK-së ka shtuar se për detaje të reja  rreth këtij rasti do të bëhen të ditura më vonë./Indeksonline/