Aleanca Kosovare e Biznesit përkrah taksën prej 100% për produktet serbe

Aleanca Kosovare e Biznesit është shprehur pro vendimit të Qeverisë së Kosovës për vënien e taksës deri në 100 për qind për prodhimet Serbe.

Sipas saj, taksa e vënë nga Qeveria e Kosovës është një vendim i guximshëm ndaj Serbisë.

Përfaqësues të saj konsiderojnë që një taksë e tillë është edhe hakmarrës i drejtpërdrejt për bllokadat e vazhdueshme që Serbia po i bënë politikisht dhe  ekonomikisht  Kosovës.

Më poshtë keni komunikatën e plotë:

Aleanca Kosovare e Biznesit, e përkrah vendimin e Qeverisë së Kosovës për vënien e taksës deri në 100 për qind për prodhimet made in Serbia.

Taksa e vënë nga Qeveria e Kosovës është një vendim i guximshëm ndaj Serbisë, por edhe hakmarrës i drejtpërdrejt për bllokadat e vazhdueshme që Serbia po i bënë politikisht dhe  ekonomikisht  Kosovës edhe pse ekziston një marrëveshje në Bruksel që Serbia është pajtuar që Kosovën mos ta pengoj në rrugëtimin e vet në anëtarësimin në mekanizmat ndërkombëtare.

Kjo taksë nënkupton thirrjen e ndërgjegjes tonë popullore për bojkot të prodhimeve të Serbisë.

AKB-ja, mbështet këtë iniciativë dhe i bënë thirrje bizneseve importuese që të orientohen nga vendet mike të Kosovës për zëvendësim të këtyre produkteve, por edhe biznesit vendor prodhues që të rrisin kapacitetet e veta për të furnizuar konsumatorin pa e ndier mungesën e zëvendësimin e prodhimeve nga Serbia me ato Made in Kosova.

AKB-ja-ja, me vite ka kërkuar vënien e masave të tilla, por deri tash ka munguar vullneti dhe guximi politik.

Pra qeveria është treguar e guximshme ndaj Serbisë dhe vlerësojmë si vendim të duhur dhe I cili e mbron identitetin e Kosovës.

Vendimi i sotëm tenton ta gjunjëzon Serbin ekonomikisht, e cila e ka tregun në Kosovë në vlerë rreth gjysmë miliardë euro që ta respektoj Kosovën si partner drejt integrimeve.

/Indeksonline/