Allegri përplaset me Moratën, mësohen fjalët që thanë njëri-tjetrit

Përplasje e “nxehtë” verbale mes trajnerit të Juventusit, Massimiliano Allegri, dhe sulmuesit të “Zonjës së Vjetër”, Alvaro Morata, në sfidën me Genoan.

Spanjolli u aktivizua titullar në rreshtimin 4-2-3-1 në rolin e “pykës”, por paraqitja e tij rezultoi skarco, aq sa u zëvendësua me Kean në minutën e 73-të. Në momentin që u shkëmbye me trajnerin, kur po linte fushën, nuk mundi ta fshihte zhgënjimin.

“Çfarë kam bërë, çfarë kam bërë?”

E ashpër kundërpërgjigjja e Allegrit: “U dhurove një faull, mbylle gojën!”

Një moment stonimi në një natë pozitive, me Juventusin që ruan diferencën prej shtatë pikësh me vendin e katërt.