Anglia nga sot s’ka asnjë masë anti-Covid
Anglia ka hequr gjitha kufizimet për masat anti-Covid.
“The Guardian” dhe “Daily Mail” raportojnë se britanikët nga sot s’kanë nevojë të bartin maska në dyqane, certifikatat e vaksinave dhe udhëzimet për punën nga shtëpia.
Kësisoj, Anglia heq të gjitha kufizimet e Planit B që u vendosën përpara valës së pritshme të infeksioneve Omicron, transmeton Indeksonline
Sekretari i Shëndetësisë, Sajid Javid tha se suksesi i programit të vaksinës, i shoqëruar me një kuptim më të mirë të trajtimit për virusin, “po na lejon të kthehemi me kujdes në planin A, duke rivendosur më shumë liri në këtë vend”.
Lëvizja vjen pasi Mbretëria e Bashkuar në tërësi regjistroi 102,292 raste të reja ditore me Covid, me mesataren javë pas jave që ishte pak më poshtë. Dje u regjistruan 346 vdekje.
Ndërsa heqja e masave është mirëpritur nga disa, të tjerë u kanë kërkuar njerëzve që të “të jenë të vëmendshëm ndaj atyre përreth tyre” kur bëhet fjalë për zgjedhjen e veshjes së mbulesës së fytyrës dhe të të respektojnë politikat në mjedise të caktuara. /Indeksonline/