Anglia ”shokon” Spanjën: Sterling, protagonist me dy gola pas tri vitesh për Kombëtaren
Pas afro 40 minutash lojë, Anglia është në avantazh prej tre golash kundër Spanjës.
Ndeshja që është duke u zhvilluar në ”Benito Villamarin” është e vlefshme për Ligën A në Ligën e Kombeve.
Dhe skuadra e Gareth Southgate ka befasuar Spanjën e Luis Enriques në këtë fillim të ndeshjes.
Golin e parë për anglezët e shënoi Raheem Sterling, në minutën e 16-të të ndeshjes, teksa ylli i Man Cityt shënoi edhe në minutën e 38-të.
Wow. Really pleased for Sterling – BOOOOOMMM #ENGLAND pic.twitter.com/mC2wOzqJ3N
— Tim Southwell (@TimSouthwell) October 15, 2018
Kështu, ish-anëtari i Liverpoolit e shënoi golin e tij të parë për vendin e tij në ndeshjet si mysafir.
Gjithashtu, ky ishte goli i parë i Sterling pas 1103 ditësh, saktësisht që prej tetorit të vitit 2015.
Sterling, gjithashtu, sonte e shënoi golin e tij të parë kundër David De Gea, ku në 13 ndeshjet e fundit ndaj Man Unitedit nuk ka shënuar ndaj portierit spanjoll.
Ndërsa, golin e dytë për Anglinë sonte e shënoi sulmuesi i Manchester Unitedit, Marcus Rashford./IndeksOnline/