Apple fshin “Fortniten” nga “App Store”

Apple ka fshirë nga dyqani i vet i aplikacioneve, “App Store”, videolojën e famshme “Fortnite” pasi zhvilluesi i saj implementoi një sistem të brendshëm pagesash që anashkalonte tarifën standarde të Apple-t prej 30 për qind.

Vendimi shënon një eskalim në përplasjet mes “Epicut” si krijues të videolojës dhe një nga kompanive më dominuese në tregun e dyqaneve të videolojërave.

“Sot, ‘Epic Games’ bëri fatkeqësisht një hap për shkeljen e udhëzimeve në ‘App Store’ të cilave i nënshtrohen baras të gjithë zhvilluesit. Si rezultat, aplikacioni ‘Fortnite’ është hequr”, thuhet në njoftimin e Applet për vendimin.

“Fortnite” ka përfshirë sistemin e pagesave edhe në versionin Android, por Google ende s’ka ndërmarrë masa.