Atletico i tregon Barcelonës çmimin e Griezaman

Manchester United dhe Barcelona janë paralajmëruar se mund të kenë nevojë të spërkasin deri në 200 milionë euro për të blerë Antoine Griezmann këtë verë. Atletico Madrid raportoi në FIFA javën e kaluar për transferimin e dyshuar të yllit të Francës, pasi drejtori i “Camp Nou”, Guillermo Amor, tha se presidenti i Barcelonës, Josep Maria Bartomeu, “pati një takim me familjen e Griezmannit”. Futbollisti 26-vjeçar ishte i lidhur ngushtë me një lëvizje drejt Manchester United para fillimit të këtij sezoni, por vendosi të qëndrojë me Atleticon, shkruan Telesport.

Trajneri i skuadrës, Diego Simeone, kohët e fundit ngriti spekulime duke thënë se ai nuk do të qëndronte në rrugën e Griezmann, nëse francezi dëshironte një sfidë të re, por shefi ekzekutiv i Atletico Madrid, Miguel Angel Gil Marin, ka tingëlluar me një ton më luftarak. “Atletico nuk dëshiron ta shesë Griezmann tani, apo në verë. Për ne është një lojtar shumë i rëndësishëm, i cili është rritur shumë. Edhe ne jemi rritur me të. Synimi ynë është të vazhdojmë të rritemi të gjithë së bashku. Verën e kaluar kemi bërë një përpjekje përtej mundësive të klubit dhe do ta bëjmë përsëri verën e ardhshme. Largimi i Griezmann nuk është në duart tona, por deri në verë është e pamundur të na lërë”.

Atletico do të jetë në gjendje për të rreshtuar Diego Costa me Griezmann në sulm, vitin e ri, pasi ndalimi i regjistrimit të lojtarëve nga FIFA-s të jetë hequr. Gil Marin pranoi bashkimin e kësaj linje përpara, gjë që e bën të etur për të rinegociuar kontratën e Griezmann, e cila zgjat deri në vitin 2022 dhe përmban një klauzolë lirimi prej 200 milionë eurosh deri në korrik të vitit të ardhshëm, kur do të bëhet 100 milionë euro: “Deri më 1 korrik, klauzola e lirimit të Griezmann është 200 milion euro.”