12:14 / E Mërkurë, 01 Korrik 2020

Austria vendos karantinë 14-ditore për kosovarët!

Austria ka lëshuar paralajmërim për udhëtime për vendet e Ballkanit Perëndimor për shkak të rritjes së numrit të rasteve të koronavirusit. Lajmin e bëri të ditur ministri i Jashtëm, Alexander Schallenberg.

Vendimi i ri i Austrisë është goditje e rëndë për Serbinë dhe Malin e Zi, që nga BE-ja të martën ishin vendosur në listën e vendeve të sigurta, me të cilat lejohen udhëtimet normalisht, shkruan “Reuters”, transmeton Gazeta Express.

Lexo Edhe:
Gjendja në Gjakovë : 8 persona të infektuar me COVID -19 të shtrirë në spital, 3 në pritje të rezultatit
Ministria e Jashtme e Austrisë njoftoi se paralajmërimet për udhëtime, që nënkuptojnë se udhëtarët që vijnë nga vendet e Ballkanit Perëndimor duhet të qëndrojnë në karantinë për 14 ditë ose ta tregojnë testin se janë negativë për koronavirus, do të vlejnë edhe për Shqipërinë, Kosovën, Bosnjën dhe Maqedoninë Veriore.

“Ne po reagojmë ndaj rrethanave, jo vetëm ndaj situatës në këto shtete por edhe për faktin se ne po shohim, për shembull në Kroaci dhe Slloveni, rritje të numrit të njerëzve që kthehen nga udhëtimet në Ballkanin Perëndimor”, tha Schallenberg.

Numri i infeksioneve në Ballkanin Perëndimor është rritur në masë të konsiderueshme muajin e kaluar, ndonëse rajoni në përgjithësi ka regjistruar më pak raste se pjesa më e madhe e Evropës Perëndimore.

Mos i humb