Barça me trauma, Valencia është fituese e Kupës së Mbretit

Barcelona e ka mbyllur me zhgënjim këtë sezon, duke humbur finalen e Kupës së Mbretit ndaj Valencias, e cila triumfoi 2-1.

Dy gola në pjesën e parë nga Gamerio dhe Rodrigo ishin shumë për Barcelonën, e cila edhe me “artilerinë e rëndë” në fushën e lojës, nuk mundi të shënonte më shumë se një gol.

Kampionët e Spanjën bën përpjekjet maksimale për të shënuar dhe gjetën golin në minutën e 73 me të përhershmin Lionel Messi, por vetëm kaq.

Pavarësisht përpjekjeve, goli i barazimit nuk erdhi, madje rezultati mund të kishte qenë edhe më i thellë në favor të Valencias, e cila pati dy raste të pastra me kundërsulm me anë të Guedes, i cili fillimisht gaboi përballë portierit, ndërsa në rastin e dytë e dërgoi sërish topin e jashtë edhe pse porta ishte e boshatisur.

Pas dështimit nga Champions, Barcelona merr një tjetër goditje, duke e mbyllur sezonin 2018-2019 me një trofe, fitoren e kampionatit. /IndeksOnline/

What a way for Valencia to win their first title in 1️⃣1️⃣ years! ? pic.twitter.com/QHcFSLW4aI

— Goal (@goal) May 25, 2019