Barçës i humbet durimi, e përzë yllin e skuadrës

Ousmane Dembeles i është hapur dera e largimit nga Barcelona dhe se ai duhet t’i konsiderojë opsionet e tij në afatin kalimtar veror, gjithnjë sipas RAC1.

Anësori ka qenë subjekt i spekulimeve ditëve të fundit për mosmarrëveshjet me trajnerin, Ernesto Valverde, dhe tani atij i është thënë se mund të largohet.

E gjithë kjo vjen pasi Dembele ishte rezervist i papërdorur në fitoren, 2-0 ndaj Interit, teksa edhe ”El Clasico-n” e nisi nga stoli, transmeton IndeksOnline.

Dhe normalisht fituesi i Kampionatit Botëror është i pakënaqur me situatën e tij dhe se mund të transferohet te ndonjë skuadër, ku mund të luajë më shumë.

Francezi e filloi sezonin aktual si startues dhe bënte disa paraqitje impresive.

Por, me agjendën e ngjeshur, Valverde filloi me rotacionet e tij, dhe tani Dembele po e gjen veten në stol./IndeksOnline/