Bartomeu, flet për transferimin e Lautaros dhe Neymarit

Të martën e kaluar skadoi afati për klubet e mëdha evropiane për të paguar kluazolën e largimit të Lautaro Martinezit nga Interi. Tani e vetmja mënyrë për ta blerë argjentinasit është nëpërmjet bisedimeve me klubin zikaltër. Edhe presidenti i Barcelonës, Josep Maria Bartomeu, e pranon se bisedimet janë në vendnumëro.

“Disa javë më parë kemi folur me Interin rreth Lautaros, por për momentin gjithçka është ndalur. Jemi në një fazë studimi të situatës.”

Numri 1 i klubit “blaugrana” e merr me shumë qetësi merkaton.

“Dritarja e ardhshme e merkatos, do të jetë e veçantë. Klubet e mëdha do të jenë të kufizuara në shpenzime për shkak të problemeve ekonomike si rrjedhojë e COVID-19, por ne do të jemi, si gjithmonë, protagonistë.”

Në Spanjë janë të sigurt për transferimin e Lautaros në Spanjë në fund të korrikut apo në fillim të gushtit në bazë të një marrëveshjeje të arritur me futbollistin (60 milionë euro për 5 vitet e ardhshme). Mirëpo nga Italia këmbëngulin që Conte do të hiqte dore nga argjentinasi vetëm nëse ofrohen 90 milionë euro “cash” dhe kartoni i ndonjë futbollisti aktual të Barcelonës.

Rreth mundësisë se blerjes së Neymarit nga PSG, Bartomeu shojegoi:

“Nuk besoj se PSG-ja do të vendosë në merkato ndodnjë lojtar. Neymari është futbollist i PSG-së.”