Blinken: Numri i viktimave në Gaza nga operacionet izraelite është shumë i lartë

Sekretari amerikan i Shtetit, Antony Blinken, ka përshkruar një numër hapash që ShBA-ja dëshiron që zyrtarët izraelitë të ndërmarrin për të minimizuar dëmtimin civil në luftën e vazhdueshme të Izraelit në Gaza.

“Siç i thashë kryeministrit dhe zyrtarëve të tjerë izraelitë sot, numri i përditshëm i viktimave që operacionet ushtarake vazhdojnë të shkaktojnë mbetet shumë i lartë”, ka thënë Blinken.

Sipas tij, Izraeli duhet të hapë kalimin kufitar Beit Hanoun në mënyrë që ndihma të mund të rrjedhë në Gazën veriore.

“Izraeli duhet të sigurojë që dërgimi i ndihmës për Gazën të mos bllokohet për asnjë arsye ose nga askush”, ka shtuar Blinken.