Cakaj takohet me zyrtarin e lartë të NATO-s
Ministri i Punëve të Jashme në Shqipëri, Gent Cakaj, të shtunën ka takuar Zëvendës Sekretarin e Përgjithshëm të NATO-s, Mircea Geoana, shkruan Indeksonline.
Ata së bashku kanë ndarë pikëpamje të njëjta lidhur me kontributin e NATO-s në stabilizimin e zhvillimin e rajonit dhe kontributin ushtarak e teknik të Shqipërisë në NATO.
Postimi i plotë:
Gjatë qëndrimit në Bratislavë zhvilluam edhe një takim me Zëvendës Sekretarin e Përgjithshëm të NATO-s, Mircea Geoana !
Ndamë pikëpamje të njëjta lidhur me kontributin e NATO-s në stabilizimin e zhvillimin e rajonit dhe kontributin ushtarak e teknik të Shqipërisë në NATO. Theksuam edhe njëherë përkushtimin për arritje të objektivit 2% në shpenzimet e mbrojtjes deri në 2024.
Po ashtu, biseduam për prioritetet e Shqipërisë gjatë Kryesisë së OSBE-së dhe nevojën për vazhdim të komunikimit të shkëlqyer në shërbim të vlerave e interesave të përbashkëta.